GKK ORIENTATION

GKK ORIENTATION

ANG GKK (GAGMAYNG KRISTOHANONG KATILINGBAN)

I KAAGI (Historical Background)

1. Kasaysayan sa GKK sa Latin America

a. Daghang mga magsusulat mahitungod sa GKK nga miila nga kini mituhaw niadtong tunga-tunga sa 1950’s didto sa Brazil, sa lugar nga gitawag og Bara do Pirai ( Rio de Janiero). Usa niana ka panahon sa Pasko, usa ka tigulang ang mi-komentaryo: “Ang simbahan sa protestabte hayag ug sadya kaayo, samtang ang sa Katoliko ngitngit ug mingaw kaayo tungod kay walay pari nga makasaulog uban kanila.” Isa ka Obispo, si Dom Agnelo Rossi, nakapangutana: “Nagpasabot ba nga kon walay pari mahunong ang kasaulogan sa mga magtutuo?”

Nianang 1956, ang maong Obispo nagsugod sa pag-organisa og 372 ka mga katekista/o, ug gipadala sa mga baryo aron mapabuhi ang simbahan – masaligon sa ilang kaugalingong pagpasiugda, pagkamamugna-on, ug sa pagdasig sa partisipasyon sa tanan. Ang tumong mao ang pagluwas sa patay nga simbahan. Dinhi nagsugod ang mga lay catechists o popular catechist – nga nagpasiugda sa mga pamalandong sa Pulong sa Dios, bible circles, mga kasaulogan panahon sa Domingo, ubp. Nakita nga nabuhi pagbalik ang simbahan diha sa ilang : pag-ampo, pagsangyaw, ug pag-alagad – nga mga layko ang nagdumala (bisan walay pari).

b. Kining maong kasinatian sa Bara do Pirari sumpay lamang sa kasinatian sa
usa ka Diocese sa Natal, nga nagpasiugda na og usa ka programa sa radyo
niadtong 1948. Nagsugod sila sa pagtudlo sa mga tawo sa pagbasa, pagsulat
ug pagkwenta – pinaagi sa radyo. Ang gisagop nila ng pamaagi mao ang
kang Paulo Freire – nga motan-aw, mohukom, molihok. Gitawag kini og Moviemento Educacao de Base (MEE) – usa ka kalihukang pang-edukasyon alang sa mga kabus (Grassroots Education Movement). Nagtukod sila og mga teams nga maoy mo-implementar sa maong programa uban sa katawhan. Kining maong mga teams mao ang nahimong basic unit sa de base nga katilingban, ug maoy sinugdanan sa Comunidades Ecclesiales de Base (CEB’s).

k.. Sa tuig 1962, ang tanang Obispo sa Brazil nagtagbo alang sa usa ka
kumperensya, ug ang tanan nga experimentations gisagop ug gihimong nasudnon nga programa. Giila nila ang dakung kontribusyon sa mga layko. Nagmugna sila og mga teams nga molibot sa tibuok nasud sulod sa 5 ka tuig aron pagpasabot bahin sa CEB’s. Gisagop kini sa Episcopal Conferencde of Latin America Bishops (CELAM) didto sa Medellin niaadtong 1968. Mao usab sa pagka – 1979 sa ikaduhang CELAM didto sa Puebla.


2.Ang Pagsugod sa GKK sa Pilipinas
Tuig 1960 – Tagum.- Davao

- Fr. John Rich MM – nagdala sa ideya bunga sa Latin America nga kasinatian (gitawag nga GKK)

- Mingkuyanap sa Agusan, Surigao, Cotabato ug sa ubang dapit sa Mindanao

- 1978 – Gisagop sa CBCP isip pastoral nga duso sa tibuok simbahan sa Pilipinas.

- 1991 – PCP II
> BEC/GKK – estratihiya sa pagbag-o sa simbahan sa Pilipinas

II HULAGWAY:

Ang GKK (Gagmayng Kristohanong Katilingban) usa ka karaan ug bag-ong modelo sa simbahan. Nakagamot sa katawhan, katilingban, simbahan sa mga kabus, nagsangyaw sa ebanghelyo padulong sa kinatibuk-ang kalingkawasan.

A.) Karaan- tungod ka yang paglihok sa GKK wala mahimugso sa karong panahona lamang kondili daan nang anaa sa panahon sa mga apostoles (unang siglo) Buhat 2: 44-45; Roma 12: 4-5; Roma 15: 1-2.

B.) Bag-o- tungod kay sukad sa tuig 313 AD nawala kini nga modelo. Nahibalik lamang human sa ikaduhang panagtigum sa Batikano II kaniadtong 1962-1965.

C.) Nakagamot sa Katawhan- tungod kay ang kahimtang sa katawhan mao kanunay ang gihatagan ug pagtagad.

D.) Katilingbanon- miputol sa tinagsang panlantaw sa pagkab-ot sa kaluwasan. Hinoon midasig kini ug mipahibalik nga kinahanglan ang kaluwasan- katilingbanon.

E.) Simbahan sa mga Kabus- ning maoang modelo sa Simbahan, daku ang pagtagad sa mga kabus, hinikawan, sinalikway ug dinaug-daug.

F.) Nagsangyaw sa ebanghelyo padulong sa kinatibuk-ang kalingkawasan
-miputol kini sa dugay nang pagtan-aw sa kaluwasan , kaluwasan nga sa kalag lamang. Hinoon, mibalik ug midasig nga kinahanglan tibuok: KALUWASAN SA LAWAS UG KALAG.

III MGA ELEMENTO SA GKK

1.) Isip usa ka katilingban (community)

Ang GKK maghugpong ug mga pamilya, mga bata, pamatan-on, hamtong ug tigulang sa usa ka personal kayo nga pang-uban (fellowship) gumikan sa ilang pagtoo.

2.) Isip usa ka Simbahang butang (ecclesial)

Ang GKK usa ka katilingban sa pagtuo, paglaum, ug paghigugma. Nagasaulog sa pulong sa Dios ug naumol sa kinabuhi diha sa Santos nga Eukaristiya, ang lintunganay sa tanang mga sakramento. Gihatagan ug kinabuhi ang Pulong sa Dios sa usa ka kinabuhi nga lig-on ug komitibo sa bag-ong mando ni Jesus, ug pinaagi sa pag- alagad sa mga nangulo aprobadong nahimong anaa ug nagalihok ang misyon sa Simbahan diha sa panaghiusa sa ilang tinuod nga mga gimbuhaton sa pagpangalagad. Simbahanon tungod ka yang motibo o prinsipyo sa panaghugpong sa GKK mao si Jesukristo. Ang pagtoo kaniya aron mapuy-an ang mga mithi sa ebanghelyo modawat sa misyon pinaagi sa gahum sa Espiritu Santo nga adunay panaghiusa diha sa local ug unibersal nga simbahan. Ang GKK mao ang binhi sa Bag-ong katawhan sa Dios- nagpanaw nga simbahan.

3.) Anaa sa kinaubsan nga ang-ang, gamay ang gidaghanon sa miembro.

IV DUGANG PAGPASABOT MAHITUNGOD SA GKK

1.) Ang GKK dili lamang pundok sa mga pamalandong. Sa pagkatinuod adunay daghang pagtuon ug pamalandong sa GKK, apan dili kay hangtud lamang sa pamalandong nga walay binuhatan. Ang GKK ginaaghat usab sa pagbuhat.

2.) Ang GKK dili lang pundok sa mga nagtuon sa BIbliya. Ang pulong sa Dios gibasasa GKK, gipahaum sa kasaysayan sa kaniadto ug karon. Dili lamang personal ug hinasa nga ang-ang sa pagbasa kondili aron masabtan gayud pag-ayo ang katilingbanong kahimtang nga sa labing duol nga panahon makahimo ug mayo diha sa katilingban.

3.) Ang GKK dili lang usa ka pundok. Ang pag- ampo usa ka elemento sa Gkk sama sa Charismatic nga grupo. Apan ang kahulugan sa pag-ampo sa GKK sa usa ka baruganan sa pagtukod sa Gingharian sa Dios diha sa katilingban, ug hangtud diha sa socio-politikal nga bahin.Mao nga kinahanglan usab kayo sa GKK ang pagtuki o paglibot (structutal analysis). U gang bunga sa maong pamalandong makabuhi unta ngadto sa katilingbanong paglihok sa Gingharian sa Dios.

4.) Ang GKK pundok nga nagtuki sa tinuod nga kahimtang. Diha sa GKK tinuoray ang pagtuki, apan kauban kanunay ang panlantaw ug pagtandi niining masusingmga panghitabo sa palibot sa mga mithi sa Ebanghelyo ug pagtoo. Ang GKK kanunay nga nagsaulog sa buhi nga pagtoo diha sa adlaw-adlaw nga pakiglmbigit sa socio-political nga kahimtang.

5.) Ang GKK dili pinili ug lina- in nga pundok. Ang katilingban sa GKK dili pinili kondili abli kini sa pundok nga buot mo-apil sa pamaagi sa pagbag-o sa katilingban, pagbag-o nga tinuoray dili kay hapuhap o tawhaw lamang.